Ido, la internaciona linguo

Ye Januaro 1901 fondesis en Paris la Delegitaro por l'adopto di linguo helpanta internaciona. La rezulto dil laboro dil delegitaro dum 1907 esis ke onu rezolvis unanime adoptar Esperanto reformita kom helpanta linguo internaciona, qua konocesis nome Ido.

La skopo di helpanta linguo internaciona, quale Ido, esas simple posibligar la komunikado inter la personi qui ne havas komuna linguo, prezervante omnakaze la nacionala lingui. La skopo di Ido ne esas substitucar la nacionala lingui quin ni ja parolas, ma komplementizar oli se ni parolas kun ulu qua ne konocas nia linguo.

Quo esas la Ido Societo Hispana (ISH) ?

La Ido Societo Hispana (ISH) esas societo fondita ye 2004 di qua skopo esas propagar ed konocigar la internaciona linguo Ido en Hispania ed atingar olua maxima difuzo en la tota mondo, kun specala atenco a la Hispano-parolanta Amerika. Do, la ISH provizas gratuite omna lernili bezonata per la Hispana, e la postulata helpo da la lernanti dil linguo. Ma inter la skopi dil ISH, anke trovesas la kreo di publikaji en Ido, nova literaturo, tradukuri de existanta verki, interretala situi e generale, igar Ido esar singladie plu interesanta linguo por la kustumala vivo.