Pro quo lernar helpanta linguo ?

La diversaji pri lingui qua parolesas en la tota mondo esas granda kulturala trezoro por la homaro, ma anke li esas grava obstaklo kande ni intencas komunikar kun personi qui apartenas a diferanta kulturi. Ultre, ni singladie voyajas a plu globala societo, e tale, esas nekareebla la existo di helpilo qua permisas eludar la linguala diferaji inter ni.

Nuntempe, ica funciono kom helpanta linguo satisfacesas da la Angla idiomo en la tota mondo, ma defektoze. La Angla esas naturala linguo, konstruktita dum yarcenti da linguala komuneso, ed omna ni konocas la desfacilaji en lernado til korekte uzar la Angla. Do, nuntempe ni dispozas helpanta linguo qua nur bone parolesas da kelki, e pluse, lu favoras linguala komuneso qua hazarde konocas la Angla kom familiala linguo. Ido esas linguo konstruktita specale por esar facile lernebla da omni, ed tale, lu povas satisfacar korekte la funciono di helpanta linguo. Olu ne esas linguo qua evolucionis dum la paso dil tempo, ma rezulto di la studii di grupo de experti qui kreis la idiomo de antea internaciona linguo, Esperanto, ye la komenco dil 20-yarcento. La qualeso di la linguo rezultinta esas facile verifikebla da irgu.

Kad lernar Ido esas desfacila ?

La chefa vertuo di Ido esas ke olua esas facile lernebla, nam lo esis la intenco di olua kreinti. La gramatikala reguli esas tre simpla e li ne kontenas neregulaji. Tale, se ni lernas gramatikala konstrukturo, ni povos uzar ol sen restrikti. La vortaro anke esas specale simpla. Olua fundamente esas la existo di radikaro e la vortifado per prefixi ed sufixi qui aplikesas sempre sam-maniere. Tale, de unika radiko, ni povos krear plura vorti. Do per simpla lekto dil kurso e la helpo di vortaro, singlu povas formaceskar frazi mem kelke komplexa, ed malgre poka praktiko, pos ula monati, onu povas parolar en Ido fluante.

¿Qua informon me bezonas ?

Omna bezonata informi por lernar Ido esas trovebla gratuite ye la interreto. Unesme, oportas deskargar la "Curso de la lengua internacional Ido" en la Hispana. Ol esas pdf-dokumento imprimebla, apta por omna lerno-niveli e kontenanta multa exerci. Certe, olu suficas por bone lernar Ido , ma sempre esos utila la helpo di la "Gramática del idioma mundial Ido" da Juan Luis de Nadal. Ol esas gramatiko Idala en la Hispana, olqua esas tre utila kom konsulto-libro e komplemento ad la kurso. Ma se ni volas redaktar texti en Ido o lektar olua literaturo, ni bezonos la interretala vortari quin ni povos obtenar ye www.vortari.tk. Ibe ni trovos la tota vorti quin ni bezonos. Laste, anke esas disponebla por deskargo la Kompleta Gramatiko Detaloza di la linguo Ido, en Ido, dokumento qua unesme ne esas necesa por la lernado, ma kun mikra nocioni di la linguo, ol divenas ecelanta konsulto-libro.