Que ye a mundializacion?, muitos dizen que ye ista macro-inter-relazion que bi ha dentre tots os paises, interpresas y chen d'o globo, por a cual, al menuto de que ocurra un atentau en Madrid, mas de meyo mundo ya se ha enterau de lo que ha pasau, tanimientres a mundializacion no ye nomas ista macro-inter-relazion que de primeras, parixe bella cosa buena, iste trasiego d'informazion en tiene muitas y mui grans consecuenzias negatibas, como por ixemplo, o feito de que bibas an bibas y tiengas as costumbres que en tiengas, bas a rematar bebiendo, minchando, ascuitando, beyiendo, etc, d'a mesma traza que a resta d'a chen d'o globo, isto podez pensar que no ye cosa negatiba, pero a la fin ixo ye imponer (y fer disaparixer a resta) una unica traza de bida en tota a Tierra.
Antimas isto no remata asti, ya que, ista unica y mesma 'cultura' no ye o produto d'as esferenzias naturals que rodeban a un lugar determinau que siñalan a las suyas presonas que las fan portar-se de una traza esferen a la d'os suyos bezins, no pas, ista 'cultura', marcan-nos-la as grans interpresas (qui son os brazos d'a mundializacion), as cuales nomas teneban un unico obchetibo, millorar o suyo rendimiento economico, iste obchetibo no en tiene cosa de positibo para o ser umano, y de rematar 'mundializaus' no plegaremos a un mundo millor y mas libre ta toz, al cual toz pensamos que imos-nos acotolando con o paso d'os sieglos.
Un d'os gran benefiziaus d'ista mundializacion son as multinacionales (por cualcosa son os brazos), ya que o feito de que tot o mundo en tienga una mesma 'cultura' ye esquimenoso para ellas, ya que asinas se consigue que un mesmo produto, en begada de serbir t'os abitans d'una rechion o pais, sirba para los +/- 6500 millones de umanos que semos sobre a faz d'a Tierra, por lo tanto en tienen uns clientes potencials muito mayors (o maximo).
Continuara...
Risantli (2005)