SEMAJNO 2008

Adreso: HOTELO MEDITERRANEO ***. STRATO VENDRELL, 23. 43840 SALOU (TARRAGONA) . Hispanio

4 – 11 DE OKTOBRO 2008

SALOU

La municipo de Salou sendependiĝis la jaron 1989. Ĝia areo ampleksas 14,89 kvadratajn kilometrojn. Ĝis la jaro 1989 ĝi apartenis al la municipo de Vila-Seca kaj Salou. Nune Salou konsistas el la plej granda parto de la teritorioj apartenantaj al la municipoj de Barenys kaj de Salou mem.

Salou estas municipo kun tre bona voj-reto, aŭto-vojo AP-7, elirejo 35. Krom estas distriktaj aŭto-vojoj, al Reus, Vila-Seca kaj Tarragona. Salou ankaŭ havas fervojan stacidomon, kie haltas trajnoj venantaj el Barcelono kaj Valencio. Kaj danke al flughaveno de Reus, Salou ankaŭ ricevas turistojn, kiuj preferas veni aviadile, je malalta kosto.

Dum la tuta jaro estas turistoj en Salou. Multaj eksterlandanoj eĉ aĉetis propran domon, loĝejon, etaĝon, vilaon. Salou fariĝis vera kosmopolita urbo. Estas evidente, ke la noktoj dum somero en Salou estas ege amuzigaj, kie ne mankas la plej modernaj distrejoj.

Salou posedas mirindajn strandojn kaj la plej allogajn promenejojn, aleojn, tute apud la maro ĉi tiu ripozloko estas unika en Hispanio – kaj laŭ opinio de itala esperantisto, eĉ ne ekzistas alia simila en la fama “Blua Marbordo” en Francio.


Gesamideanoj, ni vin atendas.